Noong Disyembre 6, 2019, ako’y
pumunta sa aming Barangay kasama ang aking kaklase upang magsagawa ng isang
maikling interview. Ang aming nakapanayam ay si KGD. Edmundo T. Cruz ang
Disaster Chairman ng Barangay Santol. Sa tagal ko na naninirahan sa aming pamayanan,
ang mga napansin kong kalamidad/ hazards na tumama sa aming barangay ay mga baha
at sunog. Ngunit hindi lang pala ito ang mga kalamidad na nakaapekto sa aming
pamayanan nagkaroon pala ng ipo-ipo noon. Malalaman ng barangay ang isang
bantang sakuna sa panonood o pakikinig sa weather forecast.
Ang aming barangay ay napalilibutan
ng paaralan, mga gusali pang komersyo at mga tirahan. Ang pinakaligtas na lugar
sa amin ay ang open space sa loob ng Puregold Qi. Ang pinakadelikado na lugar
sa aming barangay ay ang mga gusali na matataas. Ang mga paghahanda na ginagawa
ng barangay ay ang pagbibigay ng pamphlet at seminar sa mga tao upang maging
maalam sila tungkol sa mga kalamidad na maaaring tumama sa barangay. Mayroong
Hazard and Safety map at recycling bins sa buong barangay. Ang bawat kalye ay
mayroong mapa upang makatulong ito sa mga tao upang malaman nila kung saan ang
pupuntahan kung sakaling kailangan lumikas. Ang mga recycling bins ay para
maiwasan ang pagbilis ng pagtaas ng baha. Ito’y makakatulong upang di
maharangan ng basura ang daluyan ng tubig.
Dahil ang PIlipinas ay isang arkepelago, ito’y madalas tamaan ng mga malalakas na hangin at pagulan. Sa bawat pagulan at pagkaroon ng bagyo, ang bawat lugar sa buong bansa ay humaharap sa pagbaha at sa pagkawala ng pangkabuhayan. Dahil sa kakulangan sa kaalaman kung paano natin maiiwasan at paraan kung paano maging ligtas sa mga sakuna, ang bawat Pilipino ay hindi handa. Sa ating panahon ngayon, sa pamamaraan ng paggamit ng internet ay maari nating ipahayag ang importansya at pagkakaroon ng kamalayan sa mga panganib.
